Mapa conxunto

Para finalizar coas entradas anteriores adxuntaremos un mapa con todos os recursos comentados:

Ver Intervención con familias en un mapa más grande

Punto de encontro familiar

Os Puntos de encontro familiar son recursos coa finalidade de facilitar o cumprimento do réxime de visitas e favorecer o dereito dos e das menores a relacionarse con ambos os proxenitores e coas súas familias. Así cumpren a súa función en situacións de separación ou divorcio.

Os tipos de intervención que realizan son:

• Intercambio de menores
• Visitas tuteladas.
• Visitas sen supervisión. 
• Deseño e desenvolvemento dun programa psicosocioeducativo individualizado.
• Orientación e asesoramento familiar.

O Punto de encontro familiar máis cercano atópase na rúa Fonseca número 8, A Coruña:

Para saber máis:
Federación Galega de Puntos de Encontro Familiares

Residencias de tempo libre

As Residencias de tempo libre son complexos destinados ao disfrute do ocio e do lecer das familias que depende da consellería de Traballo e Benestar. 

Estas Residencias ofertan: 

• Para residentes: Aloxamento e manutención en réxime de pensión completa. 
• Para non residentes: Comedor para familiares e amigos dos residentes. 

A estadías en época estival podena solicitar:

• As persoas maiores de idade, ou menores acompañadas dos proxenitores ou representantes legais, que teñan a súa residencia en territorio do Estado español.
• As galegas e galegos residentes no exterior. 

Hai dúas Residencias deste tipo unha a do Carballiño en Ourense, na avenida de La Habana 79:

E outra a de Panxón na rúa Concepción Arenal, 8, Vigo, Pontevedra:

Para saber máis:
Residencias tempo libre 
Consellería de Traballo e Benestar 

Programa de Mediación Familiar

A mediación familiar é un procedemento de resolución de conflitos, extraxudicial e voluntario; que mediante a intervención dun profesional trata de axudar as parellas que tiveron ou teñen unha relación a resolver conflitos derivados da separación, nulidade, divorcio ou ruptura da relación, ofrecendolles unha solución.

Os seus obxectivos principais son:

• Tentar que a parella se separe do modo menos conflitivo posible.
• Axudar ás parellas a resolver os problemas derivados da separación.

O centro de Mediación Familiar máis cercano atópase en Ames, na rúa Xeixo 8:

Para saber máis:
Mediación Familiar 

Programas de Atención ás Familias Monoparentais

Estes programas prestan o seu apoio as familias formadas por un único proxenitor con menores ao seu cargo. Os obxectivos que pretenden conseguir son:

• Potenciar a autonomía das familias monoparentais.
• Axudar á crianza dos menores.
• Promover a incorporación do responsable da familia ao mundo laboral.
• Prever situacións de risco social.

Na Coruña atopamos unha asociación de Asociación de Familias Monoparentais na rúa San Vicente, número 17.

Para saber máis:

Asociación de Familias Monoparentais

Programas para a educación familiar

Estes programas pretenden detectar e anticiparte ás situacións de dificultade social, tentando dar ás familias as competencias necesarias para un axeitado exercicio das función familiares (autonomía, responsabilidade e participación social).

Os seus obxectivos principais son:

• A intervención individualizada aos núcleos familiares en situación de risco.
• Un traballo continuado para tentar conseguir os obxectivos propostos con cada núcleo familiar.
• Establecer mecanismos de coordinación cos recursos e servizos existentes na zona.

Na rúa Enrique Mariñas poderemos atopar este servizo:

Para saber máis:

Educación Familiar

Servizo de canguros

O Servizo de Canguros está ofertado polo concello da Coruña. Pretende dar resposta a necesidade actual da conciliación da vida familiar e laboral. Funciona a través dunha empresa concesionaria.

As familias deben pedir este servizo cunha antelación mínima de 48 horas.

Pódese consultar no concello da Coruña:

Para saber máis:
Concello da Coruña